Exemplar historia de superación
Unha lectura amena que percorre os anos oitenta, noventa e dous mil desde unha emotiva historia de superación.
Medrar, lembrar e aprender a convivir.
Toc y Pop é un relato desenfadado e cheo de anécdotas sobre como convivir cun trastorno obsesivo-compulsivo (TOC) no medio do remuíño da vida cotiá. Se medraches nos oitenta, apaixónanche a música e o cinema, tes teimas ou simplemente gardas segredos, este libro é para ti.
A través de discos, lembranzas e momentos clave da cultura popular —como as revistas Súper Pop e Nuevo Vale, os éxitos de Madonna ou Alaska y Dinarama e as películas de Eloy de la Iglesia e Pedro Almodóvar—, José Ángel Rico lévanos da man nunha viaxe por cinco décadas.
O humor, a nostalxia e a sinceridade mestúranse coa ansiedade, os medos e os demos internos. Un testemuño íntimo, fresco e honesto que aborda a saúde mental desde unha perspectiva diferente: con sensibilidade, pero tamén cun sorriso.